Bi voller Chile hei mir dr Gottesdienscht dörfe musikalisch umrahme zäme mit dr Organischtin Yeon-Jeong Müdespacher.

Glychzytig het dr Herr Pfarrer Hundius no zwöi Ärdebürger chönne toufe. Die positivi Rückmäldig vo de Chirchgänger het üs sehr gfröit.

Bi strahlendem Sunneschyn hets de no es Apéro bim Wöschhüsli gäh.

Mutationen

Ustritte

Barbara Aldcroft,

Merci liebi Barbara für Dyni langjährigi Tröii als Vereins- und Vorstandsmitglied. Mir wünsche Dir vo Härze alles Gueti, vor allem gsundheitlich!

Barblina Löhrer,

Dy Wäg isch e andere, dä füehrt nümme a üsem Probelokal düre...

Mir wünsche Dir alles Guete i dyre nöie Heimat und danke Dir für so vieli tolli Stunde mit Dir!

Todesfall:

Paul Pfister,

mit em Lied 'Signore delle Cime' hei mir nomal die wunderschöne Momänte mit üsem verstorbene Mitglied a üs lah verbyzieh. Pole, du fählsch üs!

Iitritte:

Es härzlichs Willkomme für d' B. E., Altstimm, und für d'Marlies Rothacher, Sopranstimm. Mir wünsche öich, dass dir öich bi üs chöit wohl füehle und fröie üs uf gmeinsami musikalischi Erläbnis!

dr Vorstand:

Dr Bruno Freiburghaus isch als Presidänt zrüggträtte.

Üse Verein fröit sich, i dr Gina Isabel Jäger e nöii Presidäntin gfunde z'ha.

Liebi Gina, mir wünsche Dir Fröid, Geduld und Glasseheit für dys nöie Amt.

Als Kassierin hei mir dörfe Sandra Beck wähle und Sandra, mir wünsche Dir es guets Händli bim Zahle bigele!

Üsi nöi Sekretärin heisst Therese Seelmann. Ou für di Therese, ganz viel Fröid a dr Administration für üse Chor.

Bysitzerinne: nöi chunnt d'Conny Schöpges drzue und wyterhin blybt d'Denise Haldemann. Danke öich fescht für öies Engagement zum Wohl vom Chor.

Üse Dirigänt, Markus Gujer, hei mir nomal für sys letschte Jahr i däm Amt dörfe wähle. Er het üs aakündiget, dass er aber i d'Sängerreihe steit.

Mir sueche also e nöie Dirigänt oder  e Dirigäntin uf 2024, wär immer öppis weiss, bitte löht üs das la wüsse!

Mir sy gspannt, ufs nöie Vereinsjahr! Volli Fahrt vorus und was mir so mache, läsit Dir unger dr Rubrik "Agända"

Mir sy völlig überrascht gsy, wie gross d'Nachfrag isch gsy am Konzärt und Theater i däm Jahr. Mir hei gfälligi Lieder gsunge und mir sy mächtig stolz uf üsi Theratergruppe, wo mit dr "Zuckerpuppe" e Punktlandig gmacht het. Es het wieder mal alli Lachmuskle bruucht. Ou üsi rychhaltigi Tombola het grosse Aaklang gfunde.

Es tuet üs de ou fescht Leid, dass mir nid für alli Bsuecher no es Plätzli hei gha. Es isch e grosse Erfolg gsy und mir fröie üs, s'nächscht Jahr de wieder a 5 Ääbe dörfe ufzträtte. Danke allne, wo üs ungerstützt hei!

härzliche Dank für d' Fotos, Hansjürg Jäger

Für einisch sy mir nid im Platzgerhüsli Ursprung gsy, sondern im Saal vom Restaurant Denkmal, Bramberg. Mir hei e läckeri Gmüessuppe mit Würschtli gnosse und sy gmüetlich zämegsässe bi Cherzli und hei üses Jahr la usklinge.

Mir bedanke üs härzlich für alli, wo a üsem Stand sy gsy und

üs mit ihrem Chouf vo Waffle und Süessem ungerstützt hei. 

S'Wätter het ou prima mitgspielt.

Bi schönschtem Wätter hei mir z‘Büetige e gmüetliche Tag chönne erlebe.

Mir sy mit de Lieder‚Chante en mon coeur pays aimé’ und ‚Muss i denn zum Städtele hinaus‘ ufträte.

mit gratuliere u danke üsne drü Mitglieder für ihres langjährige tröie Singe:

uszeichnet sy worde:

Irene Brügger  40 Jahr  

Bruno Freiburghaus 40 Jahr

Paul Pfister 25 Jahr in Loupe und bi üs. 

Bi hochsummerlicha Temperature hät sich de Chor nach 2 Jahr Warteziit endlich uf dia Reis begeh, und isch in dia chüalä Berge vom Graubüda ufbrocha. 
Dr Dirigent Markus hät allne mol sini Heimat welle zeige.

Vo de Rofflaschlucht ischas nach Zillis gange, zur Übernachtig in Chur und den am Suntig no zu de Riischlucht nach Flims. 

Iitritte

Härzlich Willkomme als nöis Mitglied im Chor

Sandra Beck, Sopran

Ustritte

Alles Guete und danke für öii Tröii und öie IIsatz i üsem Verein!

Salome Riesen, mehrjährigs Chormitglied

Vreni Wyssmann, mehrjährigs Chormitglied

Elisabeth Kiener, langjährigs Chormitglied

Martin Hostettler (langjährigs Chor- und Vorstandsmitglied, ehem. Präsident)

Annerös Wyssman, Mitglied über meh als 50 Jahr, 47 Jahr im Vorstand, drvo 46! Jahr Kassierin und über 40 Jahr Souffleuse vo dr Theatergruppe! Mir danke dir vo Härze!

Ä Schar Sänger*innen het sich zum gemütliche Maibummel troffe und s Goudi gha.

Es het so guet ta! 

Ändlich hei mir üsi Houptversammlig chönne dürefüehre.

Dr Chor und Theatergruppe hei sich entschiede, im nächschte Jahr keis

Konzärt und Theater dürezfüehre. 

Mir hei üs wäge Wägzug vom ne tröiie, langjährige Mitglied verabschiedet und danke no uf däm Wäg härzlich für alles, was Du für dä Chor gmacht hesch und wünsche Dir alles Guete, liebi Käthi Willen.

Dr läär Platz im Vorstand isch vo dr Barblina Löhrer vo Loupe übernoh worde. Härzlich Willkomme im Vorstand Barblina!

Dr läär Platz i dr Musigkommission het d'Gina Isabel Jäger vo Loupe bsetzt und mir danke Dir, liebi Gina, dass Du das Amt übernoh hesch.

Wyter hey mir im Bassregischtes es nöis Mitglied dörfe ufnäh und fröie üs fescht, dass so dr Chor stimmlich no meh Bode überchunnt. Willkomme im

Brambärgchor, liebe Paul Pfister vo Ried!

Mir gratuliere zwöine tröie Mitglieder zu ihrem 20-jährige Drbysi - mir hei se dörfe zum Ehremitglied mache;  Es sy das d'Elisabeth Kiener und d'Denise Haldimann.

Es het eifach guet ta, enand wieder mal z'gseh und mitenand z'rede und ou z'liede. 

Am 23. Juni hei mir enand nach langer Zyt troffe zum traditionelle Bummel. Es het allne guet ta, dass mir üs wieder einisch hei gseh. Bi wunderbarschtem Wätter si mir vom Schuelhus Brambärg über Däleweid - Schürholz - Hindere Brambärg ufe zum Dänkmal glüffe und dert hei mir feini Schinkegipfeli und öppis gäge Durscht übercho. Härzliche Dank Bruno und Beatrice Freiburghaus fürs organisiere! Es isch so schön gsy ou wenn mir halt mal nid gsunge hei.

Danke allne, wo Fotos gmacht hei: BF, ThZ, ThS, AK

Wieder einisch meh, hei mir 5x dörfe im volle Saal vom Restaurant Dänkmal, Bramberg singe und Theater spiele. Es isch grossi Fröid gsy, so tolls Publikum z'ha. Mir danke allne Bsuecher und Bsuecherinne für die grossi Ungerstützig.

Einisch meh hei mir dörfe am Pfingschtgottesdienscht singe. Mir hei d' Lieder Frühlingsjubel, Tebe Poem und La sera sper il lag gsunge. Schad hets grägnet, s'feine Züpfeapéro wär vorusse no viel schöner gsy.

Mir gratuliere em OK Schwingfescht zu däm tolle Erfolg. Mir hei Fröid gah, e Teil vo däm Alass chönne z'sy, sygs als Gascht oder mit Uftstelle, Abrume, Vorbereite, Särviere, Sandwich stryche, Dekoriere, Bediene und so wyters.  zur Websyte mit Föteli und Filme

A üsere Houptversammlig hei mir 3 Nöimitglieder ufgnoh und heisse die drü Froue rächt härzlich willkomme bi üs:

Bettina Dolfi, Sopran

Gina Isabel Jäger, Sopran

und Salome Riesen, Alt

Mir hei e gmüetliche Abe im Platzgerhüsli im Ursprung verbracht. Raclette, Tee, Wy, Säuberbachnigs, Liedli u Gschichtli - so hei mir das Jahr beändet. 

Mit eme bunte Liederstruss, hey mir e Farbtupfer i s'Betagtezäntrum bracht. Es het üs sehr gfröit, dass so vieli Lüt sy cho lose!

Danke allne Bsuecher vo üsem Stand am Loupemärit. Mir hey wiederum es grosses Sortimänt Säuberbachnigs und feini Waffle vom Holzöfeli chönne abiete. Sogar s'Wätter het mitgspielt. Mir fröie üs, öich ou im nächschte Mai wieder dörfe z'bediene.

Mit grosser Fröid het e Delegation vo üsem Chor mit angerne Vereine zäme d'Hornussergsellschaft empfange, wo am Eidgenössische z'Walkringe isch gsy. 

Mir gratuliere zu ihrem Erfolg ou uf däm Wäg ganz härzlich.

Bi schönschtem Wätter het üs dr Matthias Badertscher mit em Car übere Houestei nach Basel a s'Dreiländer-Eck gfüehrt. Dert hei mir s'Fahrzüg gwächslet und sy mit em Mittagsschiff - uf ne Schleusefahrt. Später hei mir dörfe e süesse Iiblick i d'Läggerli-Fabrigg tue. Vieli Lieder, Diskussione und Lacher hei mir i üsi Erinnerigs-Chischte chönne tue. Danke am Marcel Wehrli fürs Organisiere, es het so gfägt!

Mir hei üs zum traditionelle Brätle nach de Summerferie troffe. Bi schönschtem Wätter hei mir e gmüetliche Abe verbracht. Danke am Platzgerverein Ursprung und speziell am Rolf Eggli fürs Brätle und für üs dasy. 

 Dr Maibummel isch e Junibummel worde - aber wättertechnisch het sich das glohnt.

Mir hei dörfe dr Sideroupebetrieb in Bärfischehuus besichtige. E ganz Iidrückliche Abe isch das gsy und mir danke em Reto und dr Ursula mit ihrem Team für dä härzlich Empfang und dä gmüetlich Abe uf ihrem gast&hof!   

Wär's nid kennt, mues es gseh - wär's kennt, geit gärn wieder häre.

Mir hei traditionel am Pfingschtsunntig-Gottesdienscht mitgsunge, aber nöi isch gsy, dass üs d'Marlies Gerteis het dirigiert. Danke vielmal für dy Iisatz Marlies!

Mir säge härzlich Danke allne, wo üs am Stand in Loupe bsuecht hei - üser feine Waffle vom Holzfüür, d'Schlüüferli, d'Brätzeli und alli andere Bachware sy ou das Mal wieder bsunders guet aacho. 

Härzliche Dank allne Bsuecher vom Gmeinschaftskonzärt mit dr Musikgsellschaft Nöienegg. Mit hei grossi Fröid gah!

25. November 2017

Wir durften den Seniorinnen und Senioren im Landhaus Neuenegg einen musikalischen Blumenstrauss darbieten. 

10. November 2017

Herzlichen Dank allen Besuchern an unserem Waffeln- und Backstand am Laupenmärit!

Am 25. Oktober haben wir unser langjähriges Aktivmitglied, Vreni Blaser, in der Kirche von Neuenegg mit ihren Lieblingslieder verabschiedet. Wir sind betroffen und traurig.

2. September 2017

Lac de Joux, Absinth-Brennerei, mit Regen, aber trotzdem bester Laune!

8. August 2017

Zum Einstieg nach den Sommerferien trafen sich die Mitglieder mit ihren Partnern zum gemütlichen Beisammensein und Grillieren bei der Platzgerhütte im Ursprung. 

Mai- wurde Junibummel am 13. Juni 2017 zum

Munz Gartencenter Neuenegg

Brienzersee - Aareschlucht - Eggiwil Alphornmacherei - Linden